Presoak etxeratzeko larunbatean tantaz tanta Bilbora.

Han pasado mas de 2 años desde que ETA anunciase el cese definitivo de su actividad armada. Desde entonces el bloqueo y el inmovilismo han sido una constante en el posicionamiento del ejecutivo del Estado. Cuando mas que nunca se dan las condiciones para una normalización en el país se mantienen las políticas de excepción y dispersión contra los presos vascos. Medidas de que se ceban sobre los familiares y amigos obligados a desplazarse fin de semana tras fin de semana a cárceles alejadas de sus pueblo. Los casos de Oskar, Nerea y Zigor encarcelados en Córdoba, Aranjuez y Santiago son muestra clara de esta situación. ¿Hasta cuando? Ya es hora de cerrar para siempre las puertas de las cárceles para las siguientes generaciones, avanzar en la normalización y trasladar el debate a términos de confrontación política y democrática.  Es por ello que cientos de vecinos y vecinas de Trapagaran acudiremos a la manifestación del próximo sábado en Bilbo, para acabar con las politicas de excepción contra los presos y reclamar su vuelta a casa.

El próximo sabado 11 enero, a las 17:30 desde la Casilla. “Tantaz tanta, presoak etxera!” ¡ETORRI – ACUDE!

Bi urte baino gehiago igaro dira ETAk behin betiko su etena eman zuela. Ordutik egoera berria ireki da gure herrian, besteen artean ilegalizazio politikoak gainditu dira eta proiektu herrikoi, ezkertiar eta independentista garatu nahi duen BILDU koalizioa indarrez sartu da instituzioetan. Bestetik Aieteko deklarazioak bitartekaritza internazionala Euskal Herriko prozesua bakebidean jartzeko prest agertarazi du eta Estrasburgoko auzitegiak Parot doktrina bertan behera utzi, kondena osoa betea zuten 65 preso kaleratzea ahalbidetuz.

Espainiako gobernuaren aldetik ordea itxikeria eta inposaketa dira nagusi. Sarekada politikoen gaineko epaiketek bere horretan jarraitzen dute (SEGIko gazteen aurkako epaiketak, Bateragune auzikoa, herriko tabernen kontrakoa…), honi guztiari egoera berrian gertatu den Herriraren aurkako sarekada gehitu behar zaio. Preso dauden 600 euskal herritarren kasuan berriz ez dago aldaketarik, sakabanaketa, Euskal Herritik urrun dauden kartzeletan eta muturreko egoera berezietan.

Sufrimendua bi aldeetan egon da eta dago.

Blokeo egoeraren aurrean ordea Ezker Abertzaleak aldebakartasunetik urratsak ematen jarraitzen du, azkena joan den larunbatean Durangon preso ohiek egindako adierazpena izan da. Gatazka luzea da Euskal Herrikoa, azken 50 urteetan biziki bortitza izan dena, hildakoak, torturatuak, kartzela, eskubide urraketak eta errepresioa bere baitan izan dituena. Bi aldeetan izan da sufrimendua eta egon badago. Bada garaia konponbidean ezartzeko.

Aukera guztiak berdintasunean.

Gatazkaren muina ordea politikoa da, aspalditik dator eta sakonetik konpondu ezean bere horretan jarraituko du. Euskal Herritarron sektore zabal batek aske izan nahi dugu munduan, nola eta non bizi nahi dugun erabaki nahi dugu libreki, estatuak ordea ez du aukera hau demokratikoki garatzen uzten eta indarrez ukatzen digu gure bidea egitea. Borroka fase bat ixten da horrela Euskal Herrian, helburuek ordea bere horretan diraute eta egoera berrian askatasunerako gehiengo zabalak lortu eta bide berrietan sakontzea dagokigu horretan gabiltzanoi.

Tantaz tanta Bilbora

Ildo horretan ordea ezinbestekoa da presoak berehala etxeratzea. Zenbat aulki huts gure etxeetan, zenbat lagun, bikote eta senide faltan. Trapagaranen bertan Oskar, Zigor eta Nerea daude kartzelan. Onartu ezinezkoa da haien guraso eta senideen gaineko zigorra, asteburuko bidaia luzeak Espainiako kartzela urrunetara. Noiz arte jarraitu behar dugu horrela? Gatazka armatua behin betiko konpondu eta ideien borroka demokratikoki aukera dago mahai gainean. Horregatik joango gara larunbatean Bilboko manifestaziora, presoak etxeratzea premiazko kontua delako. Lehenbailehen.

URTARRILAK 11, larunbata
17:30etan Bilboko La Casillatik
TANTAZ TANTA PRESOAK ETXERA!